FNZ 28 - Larvae of Curculionoidea (Insecta: Coleoptera) - Māori summary
May, BM 1993. Larvae of Curculionoidea (Insecta: Coleoptera): a systematic overview. Fauna of New Zealand 28, 226 pages.
(
ISSN 0111-5383 (print),
;
no.
28.
ISBN 0-478-04505-0 (print),
).
Published 14 Jun 1993
ZooBank: http://zoobank.org/References/B6025BC7-2C53-4D46-B440-52C8F668DD5E
HE WHAKAPOTONGA MA TE MAREA
He roopuu tino nui nga wiiwara (weevils) i roto i nga Coleoptera. I Niu Tiireninei, e tata ki te kotahi mano e rima rau nga tuumomo, kaaore e kitea ana i eetahi atu whenua.
E kai-raakau katoa ana nga wiiwara, ara, nga piitara-ihu. No reira, he nui oo raatou kaainga. Kei roto i te oneoneee tahi, e kai pakiaka ana; kei runga i a Papa eetahi, e kai rau-raakau ana. Ko teetahi roopu, he mea iti, ka uru ki roto ki nga rau me nga too, ka kai. Ka kookiritia nga raakau e ora ana e nga piitara-kiri-raakau, aa, kia mate kee te raakau, e hia kee nga tuumomo wiiwara ka uru ki roto ki te kai.
Kaaore e nui nga wiiwara nanakia o te ao, araa, nga mea e kai ana i nga taonga o Rongo-ma-taane. Engara kua piki haere te tupu o nga mea i uru poka noa mai, na te mea kaaore oo raatou hoariri i konei, aa, kaaore hoki e nohoia nuitia ana teenei whenua.
Na te mea e kitea waingohia ana nga wiiwara pakeke, ka kohikohia e nga kai-kohi, aa, kua aata tuhia nga aahuatanga. Ko nga kuuao kaaore iaata maatakina i mua, i te mea he iroiro noa te aahua, he hunahuna hoki te kai. Inaaianei kua kitea he aahua anoo too teenei, too tenei, aa ka taaea te whiriwhiri i nga huaanga o ia iroiro, o ia iroiro. Kua aata kohikohia e toru rau tuumomo iroiro hei maatakitaki ma te tangata.
Na te kimikimi i nga iroiro i roto i oo raatou kaainga, na te whaangai i nga ngaarara, i nga pakeke hoki, kaatahi anoo ka whakaaturia eetahi aahuatanga. Ko nga wiiwara-putiputi, kotahi rau nga tuumomo māori, he raakau pai tooteenei tuumomo, he raakau pai too teenei tuumomo. Ka kainga nga putiputi me nga hua. Ka tatari a Aneuma cornpta kia tuwhera ai nga pana, aa, kaatahi anoo ka panga i tana hua kotahi.
He kai-keri rua i nga rau raakau eetahi tuumomo. E noho takitahi ana eetahi; e rua nga tuumomo e noho huihui ana, ka tae ki te rua tekau e noho ana i te rua kotahi. Ko te pakeke o Geochus he mea iti rawa, kaahore kau ana parirau, kaahore kau nga matikuku o ana waewae; ka noho i te oneone o te ngahere mai i te whaanautanga tae noa ki te matenga; he kai-keri rua i roto i nga rau raakau kua makere iho, aa, ka kai.
Nga tuumomo e huaina ana ko Rhinorhynchus he mea miiharo. Ko raatou anakete uri o Nemonychidae i Niu Tiireni nei, he iwi no nehe noa atu nga tuupuna. Ka tupu raatou i runga i nga puawai taane o nga paaina, e kai pungapunga ana. Kua hangaia kee te waha hei orooro i te pungapunga. E toru wiki i noho-a-iroiro; i muri mai ka roa te noho hei ngaarara i roto i te oneone, tae noa pea ki te rua tau. Na reira, mehemea kaahore nga putiputi o te raakau e hiakaitia ana i te teenei tau, ka ora teetahi moorehu mo te tau e haere mai ana.
Ko nga wiiwara wiri-raakau, ko Platypus, e huaina ko nga piitara kai-atua. He ahuwhenua te mahi, e whakatupu ana i nga harore i runga i nga tahataha o nga rua. Ka haria mai te kaakano harore e te tokorua naana i tiimata te whaanau. I muri mai ka mahia, ka whakanuia te maara e aa raaua tamariki; kua hanga kee nga waha kia pai ai taua mahi.
Translation by: UniServices Translation Centre, Auckland