FNZ 34 - Anthicidae (Coleoptera) - Māori summary
Werner, FG; Chandler, DS 1995. Anthicidae (Insecta: Coleoptera). Fauna of New Zealand 34, 64 pages.
(
ISSN 0111-5383 (print),
;
no.
34.
ISBN 0-478-04547-6 (print),
).
Published 21 Jun 1995
ZooBank: http://zoobank.org/References/45C859C4-F429-47B8-BDEF-2728D4AD100F
HE WHAKAPOTONGA MA TE MAREA
Ko nga Anthicidae ka moohio whaanuitia he `pua poopokorua paapapa'; akuanei iti noa iho nga momo whaanui ka kohikohia mai i nga putiputi, araa kii hai nei he momo i Niu Tiireni e kitea ana e noho putiputi ana. Ko eenei paapapa iti kaha korikori ka moohiotia tonutia mai i te kakii kukuti koi ngatahi me te kotaha, me nga tauira kutia o te kooiwi. Ko nga tauira o aua kuukutinga, i runga noa iho ka hanga rite ki te te aahua o te poopokorua, ka kitea rawa atu i te kamakama titaha haere i oo raatou wae poto i te waa e ora ana.
Ko eetahi momo i eetahi atu whenua ka kohi whaanuitia me nga poopokorua, kanui anoo te pakeke i te kitea i te waa e omaoma haere ana me nga poopokorua. He whakapaengia ana ka whakarite i nga tikanga poopokorua, he aahua aarai i a raatou i te waa e rapurapu kai ana.
Ko nga pakeke he hamuhamu he kaitukituki, ka kaikai i nga para ngaarara tuuaara kore, toenga otaota raanei. Ko eetahi momo i te Kootiu o Aamerika kua rangahautia kia kitea ai te painga hei toa whawhai mo te taiao, na te mea, ka kaikai i nga heeki me nga iro iti o nga ngaarara orotaa.
Ko nga mea kii hai anoo kia pakari kaaore anoo kia moohio rawatia, heoi, engari e hanga rite anoo nga kai ki nga mea matua kua pakeke.
Kanui te kitea o Anthicidae i raro i nga mea e takoto noa iho ana i te onepuu, i te oneone raanei e omaoma haere ana, i te raa, i roto i nga otaota. Ko eetahi momo ko o raatou tino waahi ka kitea ko te tahataha moana me nga tupetupe hau onepuu.
Ko nga pakeke o te nuinga o nga momo ka kaha i te whai `cantharidin', he mea whakahooha i puta mai i te whaanau paapapa Meloidae. Ko te painga o cantharidin, me te whakamaroke i a paapapa meloid kanui te tootika i te waa e hopu ana ki a mau te matua pakeke o Anthicidae. E whakaponotia ana ko te whiwhinga i taua ranu ka pai rawa atu te whai hoa me te whakaiti i nga aahua patupatu. Kaahore anoo kia whakamaatuahia e peehea te aahua pai kia cantharidin mo nga momo e noho nei i Niu Tiireni.
He rua tekau maa ono nga momo e moohiotia ana, no Niu Tiireni. He iwa me mau mai ki konei, he whakapaingia ana na te hunga mahi kaipakihi - whitu no Ahitereiria, me te toenga e rua he momo no te katoa e paa ana ki nga waahi nohoanga iwi. Ko nga momo tuutuuru tekau maa whitu kanui nga paanga ki nga momo otaota tuutuuru o `monocotyledonous'.
E rua anoo nga momo ka kitea i Te Waipounamu, aa, e whaa hoki momo ka kitea i Te Ika A Maaui. Ko nga mea i heke iho mai i te taatai Cotes me Zealanthicus ka kitea i Niu Tiireni anake, engari e paatata ana ki nga momo e kitea ana i Ahitereiria, me te Tonga o Aamerika. Ko nga aahuatanga whanaungatanga ngaarara o te Anthicidae o Niu Tiireni ka paatata ki nga mea o Ahitereiria, aa, he itiiti noa te paanga ki nga takiwaa akuanei mahana o te Tonga o Aamerika.
Translation by: UniServices Translation Centre, Auckland