FNZ 64 - Pisauridae (Arachnida: Araneae) - Māori summary
Vink, CJ; Dupérré, N 2010. Pisauridae (Arachnida: Araneae). Fauna of New Zealand 64, 60 pages.
(
ISSN 0111-5383 (print),
ISSN 1179-7193 (online)
;
no.
64.
ISBN 978-0-478-34722-7 (print),
ISBN 978-0-478-34723-4 (online)
).
Published 13 Jul 2010
ZooBank: http://zoobank.org/References/05FA0262-846F-4216-96B4-D5ED10D3A7D9
Māori summary — He Whakarāpopototanga
Ngā pūngāwerewere māwhaiwhai kōhanga
He nui ake i te 300 ngā momo o te whānau Pisauridae (ngā pūngāwerewere māwhaiwhai kōhanga) e mōhiotia ana puta noa i te ao. Kitea ai i ngā wāhi noho maha, ā, ko ētahi puninga e whai hononga ana ki te wai. He māmā te tautohu i ēnei pūngāwerewere i Aotearoa nei, nā runga i te āhua o te māwhaiwhai ka hangaia e te uwha huri katoa i te pūkoro hua, hei kōhanga mō ana punua ka puta ana rātou ki te taiao. Kāore te kātua e hanga māwhaiwhai hei kupenga mahi kai māna — he toropuku, he upokotaua te āhua o tāna patu i āna kai.
E whā ngā momo pūngāwerewere māwhaiwhai kōhanga i Aotearoa, he uri tata katoa; e toru kei te tuawhenua, kotahi kei Rēkohu. Kitea ai ēnei momo e whā i Aotearoa anake, engari kāore e kore he whanaunga tata ō rātou i Ahitereiria. Ko te momo e kitea nuitia ana, ko Dolomedes minor. Kei te motu whānui tēnei, kei ngā ururua, kei ngā papa pātītī, kei ngā repo, kei ngā whenua pukewai. Kitea ai a Dolomedes aquaticus i ngā tahatika hōrakerake o ngā awa me ngā roto, huri noa i Te Waipounamu, me te haurua whakatetonga o Te Ika-a-Māui. Kitea ai a Dolomedes dondalei i ngā wāhi marumaru i ngā tahatika o ngā awa huri katoa i Aotearoa. Ko te momo o Rēkohu, a Dolomedes schauinslandi, kua kitea i ētahi moutere e toru anahe (i te ‘Tonga-mā-Rāwhiti’, i Māngere me Houruakōpara), ā, nā te whāiti o te noho, kua kīia he momo e mōrearea ana.
Translated by: Hēni Jacob, Ōtaki