Popular summary: Māori
Emberson, R. M. 2017. Licinini (Insecta: Coleoptera: Carabidae: Harpalinae). Fauna of New Zealand 75, 80 pages.
(
ISSN 1179-7193 (online)
;
no.
75.
ISBN 978-0-947525-13-2 (print),
ISBN 978-0-947525-12-5 (online)
).
Published 16 Aug 2017
ZooBank: http://zoobank.org/References/AB4DA406-318E-40F1-8618-2A5CC86BB93F
DOI: https://doi.org/10.7931/J2/FNZ.75
He kāhui iti te pītara Licinini kei waenga nei tōna rahi (ko ngā momo o Aotearoa kei tōna 4.5 - 13 mm te roa), he pītara pārure, he haere whenua, ka kīia he Carabidae. E kitea ana ngā momo licinine i ngā wāhi maha o te ao i ngā whenua mahana, i ngā whenua kāore i tino makariri, engari kāore i nui tōna momo i Amerika ki te Tonga. E mōhiotia ana he pītara pārure, inā rā, ahakoa kātua, ahakoa torongū kua kitea e kai ngata ana, engari kua kitea
noatia e te karu ētahi momo itiiti nei e pēnei ana, ko te nuinga he momo nō Ūropi.
Ko ētahi momo 15 o ētahi karangatanga e 4 nō Aotearoa. Ko te katoa o ōna momo, atu i tētahi mea kotahi ka
kitea anō i Ahitereiria, nō Aotearoa taketake ake. Ko tētahi o ngā karangatanga nō Aotearoa taketake ake, ko ētahi atu karangatanga ka kitea anō i Ahitereiria, otirā e whānui ana te kitea i Ahitereira me ngā rōpū moutere o te Moana-nui-a-Kiwa ki te Uru.
I Aotearoa nei, e rite ana te kitea o te licinine i ngā wāhi o te ngahere e haukū ana, arā, i raro poro rākau, i te toka anō i te taha o ngā awa iti i te ngahere. Ka kitea anō i ētahi wāhi pārūrū pērā i te tomokanga ki te ana, i ngā wāhi rānei e putu mai ana te rau rākau. He maha ngā momo kua kitea e piki kahiwi rākau ana i te pō; ko ētahi anō i ngā wāhi reporepo, i ngā para waipuke hoki, i ngā tahatika rānei o te roto, o te moana.
Ko te ara māmā e mōhiotia ai te licinini i ētahi atu pītara pārure haere whenua e rite ana te rahi, he pakini tōna kei te ngutu whakarunga o te waha. Ka kitea noatia tēnei ki te karu mōhiti.