Popular summary: Māori
Xu Y; Zhang Z-Q 2018. Tenuipalpus (Acari: Trombidiformes: Tetranychoidea: Tenuipalpidae). Fauna of New Zealand 77, 163 pages.
(
ISSN 0111-5383 (print),
ISSN 1179-7193 (online)
;
no.
77.
ISBN 978-0-947525-53-8 (print),
ISBN 978-0-947525-52-1 (online)
).
Published 12 Nov 2018
ZooBank: http://www.zoobank.org/urn:lsid:zoobank.org:pub:34698677-1190-4B8D-8B68-B827C1F27505
DOI: 10.7931/J2/FNZ.77
Ko te ingoa kārangaranga o te whānau Tenuipalpidae, ko te pūwereriki pūngāwerewere horihori. Nō tētahi wehenga nui rātou o tētahi whānau ruarangi me mātua kai tipu e ora ai, ko ngāi Tetranychoidea te ingoa. He pūwereriki moroiti noa, kei te takiwā o te hauwhā ki te hautoru mirimita te rahi. Ka kīia anō hoki he pūwereriki papatahi, he papatahi nō te tinana. He pānga ō ētahi ki ngā mahi ahuwhenua, inā rā he whakararu tā rātou i ētahi tipu tukuhua ki te ōhanga, he kawe tahumaero hoki i waenga i ētahi momo kai o te māra. Ko rātou anō ētahi o ngā momo e kaha haukotia ana i te taenga mai o ngā kai mata kua tonoa i tāwāhi mā Aotearoa. Kei te nui haere hoki te wāhi ki a rātou i te matahuhuatanga koiora. He maha tonu ngā momo kua kīia he whakaariki i ngā tau tata nei. Nui ake i te 1100 ngā momo Tenuipalpidae kua āta whakaahuatia ā-kupu huri i te ao. Ko tētahi 300 o ērā nō te puninga Tenuipalpus. I Aotearoa nei, e 9 noa iho ngā momo Tenuipalpus e mōhiotia ana. Kei tēnei pukapuka nei ngā whakaahuatanga ā-kupu roa o ēnei momo o Aotearoa me tētahi ara tautohu e mōhiotia ai ko tēhea tēhea.