Popular summary: Maori
Xu Y-M, Zhao Z-Q 2019. Longidoridae and Trichodoridae (Nematoda: Dorylaimida and Triplonchida). 79, 149 pages.
(
ISSN 0111-5383 (print),
ISSN 1179-7193 (online)
;
no.
79.
ISBN 978-0-947525-65-1 (print),
ISBN 978-0-947525-66-8 (online)
).
Published 4 October 2019
ZooBank: http://www.zoobank.org/urn:lsid:zoobank.org:pub:E3DA6DE9-85C4-4A3D-875D-BEF5D032922A
DOI: https://doi.org/10.7931/J2/FNZ.79
Te Whakarāpopototanga
Ko ngāi Longidoridae me ngāi Trichodoridae anake ngā whānau nematode e mōhio māriretia ana he piriwaho-pakiaka, he kai i ngā momo mea maha, he kaituku huaketo tipu anō. Ko ētahi tino huānga o te whānau Longidoridae, ko ngā nematode ‘ngira me te oka’, nā runga i te niho o te hanga—me te ngira te hanga i te whānau whāiti Longidorinae, ā, me te oka te hanga i te whānau whāiti Xiphinematinae. Karangatia ai te whānau Trichodoridae he nematode “pakiaka poto”, i te mea ina kainga ngā pakiaka e ēnei nematode, ka tauwhena, ka popoto ngā pakiaka. Ko ngā huaketo e haere kōtui ana me ngāi Longidoridae rāua ko ngāi Trichodoridae, he rōpū kē, he rōpū kē: he kawe nepovirus ngā longidorid, he kawe tobravirus ngā trichodorid. Taka mai ki tēnei wā, i te whānau Longidoridae, neke atu i te 480 ngā momo kua āta whakaahutia ā-kupu, i ngā puninga e ono, i ngā whanau whāiti e rua. I te whānau Trichodoridae, e 109 ngā momo, nō ngā puninga e ono. O roto mai i ēnei, 17 ngā momo kua pūrongotia i Aotearoa. Heoi anō, tekau mā rua noa iho o ēnei momo 17 kei Aotearoa nei i wātea mai mō tēnei rangahautanga. Nō reira, ko tā tēnei tuhinga, he whakatakoto i ngā whakaahua ā-kupu paruhi me ngā kōrero mō te tītaringa o ngā momo 12, arā, mō ngā momo e 7 o ngā puninga e rua o ngāi Longidoridae, me ngā momo e rima o ngā puninga o toru o ngāi Trichodoridae.