Te pepe tuna
Aenetus virescens (Doubleday)
Pūtoi: Lepidoptera
Whānau: Hepialidae
Te Tītaringa
- Nō Aotearoa taketake ake. Kei Te Ika a Māui.
Te Huringa Ora
- Ka roa tonu ngā anuhe e ora ana – kei te takiwā pea o te whitu tau.
- Ka ruiruia ngā hua e te pūrēhua pakeke ki te papa o te ngahere.
- Noho ai ngā anuhe kōhungahunga ki te otaota rau, i runga i ngā harore, i ngā rākau rānei kua pōpopo. Kātahi ka piki i tētahi rākau (ko te pūriri me te putaputawētā ngā tino rākau) ka kōwiri atu ki te kahiwi.
- Noho ai ēnei anuhe ki tētahi anaroa i te kahiwi, me te kai i te kiko mārō ka tipu ake i te waha o te anaroa kua kōwiria e ia. Ka tuia anō e ia he papanga ki tana miro, hei tatau mō tana anaroa.