Home»
Resources »
Teaching »
Ngā pepeke me ngā pūngāwerewere o Aotearoa »
Ētahi kōrero pono whakamīharo 15 e pā ana ki ngā angawaho rongonui o Aotearoa »
Te katipō

Te katipō

Ki ētahi, he hanga whakamataku te katipō, a Latrodectus katipo, i te mea ko ia anake te pūngāwerewere māori ka māuiui te tangata i ana paitini. He whai paitini ngā pūngāwerewere katoa, hei patu kai mā rātou, engari he torutoru noa ngā momo huri i te ao ka raru te tangata i ana paitini.

Noho ai te katipō ki te tahamoana, ā, tērā te kitea i raro i ngā pakepaketai, e huna ana rānei i ngā pūreirei pātītī e tipu ana i te onepū. Kua āhua korekore haere i ēnei rā, ā, he wāhanga nui hoki o tana rīpoinga kua rawekehia e te ringa tangata.
Ko te uwha anake ka ngau i te hoariri, ā, ka pērā ia hei tiaki i ana hua, i a ia tonu rānei, kāore e ngau i tētahi mea mō te kore noa iho te take.
He rite te rahi o te puku porotaka o te uwha pakeke ki te pī, huawhenua nei. He pango te puku, otirā, he tāhei whero kei te tuarā, ā, kei raro, ko tētahi tauira whero e āhua rite ana ki te 'karaehe-hāora'.