Ētahi kōrero pono whakamīharo mō ngā pūngāwerewere
Horizontal orbweb spider. Image - Dru Burger
- He kōtiro tūturu te Little Miss Muffet o tērā ruri Pākehā rongonui. He tamāhine ia nā Tākuta Mouffet. Ko te whakapono o tana pāpā, he rongoā anō kei ngā pūngāwerewere ina kainga e te tangata.
- Ko te taumaha o ngā pepeke pau ai i ngā pūngāwerewere te kai ia tau, he nui ake i te taumaha o te katoa o ngā tāngata o te ao.
- Tērā tonu ka tata ki te 5 miriona ngā pūngāwerewere e noho ana ki te kotahi heketea o te whenua.
- Hui katoa, tērā ka 20-60 mita te roa o te miro i te māwhaiwhai o te pūngāwerewere, ā, ka 3 hāora pea te pūngāwerewere e tuitui ana i tēnei whare ōna.
- Ki te whakatairitea tētahi wāhanga hiraka me tētahi wāhanga maitai e ōrite ana te taumaha, e rua whakarautanga te kaha ake o te hiraka. I tua atu i tērā, he tino makoha te hiraka. Nā tēnei kaha me te makoha, me tino uaua ka motu. Me kī pēnei ake, kāore he matū pūioio ake i te hiraka o te pūngāwerewere huri i te ao.
- E 48 ngā pona o te pūngāwerewere: e 8 ngā waewae, e 6 ngā monamona ki ia waewae.
- Ko te roa o te peke kotahi a ētahi pūngāwerewere peke, e 25 whakarautanga te roa ake i tana tinana.
