Tana paitini

Katipo spider

He whai paitini ngā pūngāwerewere katoa, koirā tana tino taonga hei patu i te hoariri.
He ngoikore rawa ngā kauae o te nuinga hei wero i te kiri tangata, ā, mehemea rā ka werongia, he ngoikore te paitini, kāore ōna pānga kino ki a tātou.
Heoi anō, ka raru tonu te tangata i te paitini kino o ngā pūngāwerewere o te rōpū Latrodectus (ngā 'pouwaru' me ngā 'tuarā whero').
Ko te paitini pūngāwerewere kino katoa ki a ngāi tātou, ko tō te funnelweb o Poihākena. Waimarie tonu tātou kāore taua weriweri rā i Aotearoa nei!