Te wētā noho rākau o Tāmaki-makau-rau

Pare - Auckland tree wētā

Ingoa Māori: wētā, pūtangatanga, taepo, taipo, tokoriro

Ingoa Pākehā: Auckland tree wētā

Ingoa pūtaiao: Hemideina figurata (Walker); pūtoi = Orthoptera; whānau = Anostostomatidae (nō ngāi Stenopelmatidae i mua atu)

e noho ana ki Te Ika a Māui, ki te raki o te Kūititanga o Manawatū;
he rerekē i ētahi atu momo wētā noho rākau, i te mea he māwhero-mā te nuinga o te papa tinana kei muri o tana ūpoko;
he rerekē te āhua o tana noho, inā rā, kotahi te toa (te mea ūpoko rahi e kitea ana i konei) ki te kāhui uwha, me ngā nohinohi maha anō;
ko ngā rākau hei whakaruruhau mōna - noho ai ia ki ngā uru kahakaha, ki ngā anaroa o ngā pūrēhua noho pūriri, ki ngā kōhao he mea poka e ngā pepeke wirirākau nui, kua whakarahia ake ki ō rātou kauwae kaha;
mā tana kitā ia e 'kōrero' ki ētahi atu wētā - arā, ka hikahika i ana kūhā (he whai tia te taha whakaroto o ngā kūhā) ki tētahi parehua i te taha o tana puku.