Te pūngāwerewere 'māwhaiwhai-anaroa' pango
Pare - Black tunnelweb spider
Ingoa Pākehā: black tunnelweb spider
Ingoa pūtaiao: Porrhothele antipodiana (Walckenaer); pūtoi = Araneae; whānau = Hexathelidae
- he pūngāwerewere māori kitea ai i ngā tōpito katoa o te motu, ā, kāore he aha ki a ia te noho ki ngā māra o ngā tāone nui;
- kāore tana paitini e whakararu i te tangata, pērā i tana whanaunga, i te funnelweb o Ahitereiria, engari tērā ka rongo koe i te mamae o tana ngau ki te hē tō pupuri i a ia;
- he pūngāwerewere o te ao kōhatu, pērā i a ngāi tarantula;
- he rite te hanga o tana māwhaiwhai ki te anaroa - e 200mm pea te hōhonu, e 20-30 mm te whānui, ā, hangaia ai ki ngā wāhi haukū: hei tauira, ki raro i ngā poro rākau, i ngā kōhatu rānei, ki ngā pakitara toka, ki ngā rūma whakararo o ngā whare, ki ngā pūkai wahie rānei;
- ina rongo ia i ngā tōiriiri o ngā pepeke e hīkoi ana i te waha o tana whare - ākene he kai māna! Tere tonu tana rere ki te patu i te pepeke ki tana paitini, ka whakahoki ki te tuarongo o tana whare;
- ko ngā pītara, ngā pāpata me ngā weri waemano āna tino kai.
