Te kapokapowai kaitā noho ngahere

Pare - bush giant dragonfly

Ingoa Māori: kapowai, kakapowai, kapokapowai, titiwaiora, uruururoroa

Ingoa Pākehā: bush giant dragonfly

Ingoa pūtaiao: Uropetala carovei (White); pūtoi = Odonata; whānau = Petaluridae

ka kitea i Te Ika a Māui me Te Waka a Māui, engari me uaua ka kitea i ngā whenua ki te rāwhiti.

Ko te mea pakeke:

he kapokapowai rahi tonu, he kōwhai, he pango ōna tae, he āhua 80-85 mm te roa o te tinana;
he pōturi tonu te rere i te nuinga o te wā, he hoihoi anō; rere ai i ngā tapa te puihi;
ki te nunumi te rā ki tua o tētahi kapua pōuri, kua tere tau atu ki tētahi mea pātata, ki tētahi tangata tonu pea e hipa ana;
he raupua te āhua o ngā tāpiritanga whakamuri o te toa.

Ko ngā punua:

ka kuhu atu i te oneone ngohe i te tahataha o te kōawa, o tētahi māturunga wai rānei, ki reira noho ai ki tētahi rua e kī ana tētahi haurua ōna i te wai;
ka roa tonu e ora ana (ka 5, ka 6 pea ngā tau ki tēnei ao);
ka pō ana, kua puta ake ki te kimi kai māna i te waha o tana rua;
ka kaha tonu tana rongo i ngā mea katoa, ka huna i a ia, nō reira me uaua ka kitea.