Te kihikihi wawā

Pare - chorus cicada

Ingoa Māori: kihikihi wawā, matua kihikihi, ngengeti

Ingoa Pākehā: chorus cicada

Ingoa Pūtaiao: Amphipsalta zealandica (Boisduval); pūtoi = Hemiptera; whānau = Cicadidae

ka kitea i ngā wāhi maha o Aotearoa;
- noho ai te nuinga ki ngā ngahere tiketike (ki ngā wāhi rānei i reira he ngahere tiketike i mua);
he kitā ngātahi tā ngā toa;
ka pērā ana tā rātou mahi, ka aroha kē te hoihoi, mea ake, kua 'ngete' kē - ko te ngete nei, ko ngā parirau e pakipaki ana i te kahiwi o te rākau;
whakatakoto ai te uwha i ana hua ki ngā kakari i ngā peka rākau e rite ana ki te 'kōiwi-aua' te tauira;
hei te kōanga o muri mai ka puta mai ngā punua, ka taka atu ki te whenua;
noho ai ngā punua ki te poho o Papa mō ngā tau maha, me te ngote i te pia o ngā pakiaka;
ina tae ki te wā e pakari ai te punua, ka puta ake i tana rua whānui, ka piki i te kahiwi o tētahi rākau, ā, ka ngawhā te kiri i tana tuarā. Puta ake ana ko te kihikihi pakeke, roha ana i ana parirau, rere atu ana.