Te tūwhaipapa
Pare - giraffe weevil
Ingoa Māori: pēpeke nguturoa, tūwhaipapa, tūwhaitara
Ingoa Pākehā: giraffe weevil
Ingoa pūtaiao: Lasiorhynchus barbicornis (Fabricius); pūtoi = Coleoptera; whānau = Brentidae
- kitea ai i ngā tōpito katoa o te motu;
- ka eke ki te 80 mm te roa o ētahi, ā, koia te pītara roa rawa i Aotearoa;
- ko te ihu te wāhanga tino roa ōna, ā, kei raro iho, ko tētahi rārangi tarakina me te heru nei te rite;
- i ngā toa, e tino tata ana ngā pūhihi ki te pito o te ihu, engari i ngā uwha, kei waenganui kē o tana ihu;
- tērā ka tukuna ngā hua ki roto i ngā kōhao kua keria e te uwha ki tana waha tonu, ki ngā rākau pērā i te karaka, i te houhere, me te porokaiwhiri;
- ko ngā torongū ka puta ake i ēnei hua, ka poka ki roto i te rākau me te kai haere anō, nāwai ā, kua eke ki te wā e huri ai hei pakeke;
- e whakaarotia ana he rite te hanga o te toa ki te waka Māori, ā, arā hoki tōna pakiwaitara e mea ana ko ia te atua o ngā waka hou.
