Te ngaro kahurangi o Aotearoa

Pare - New Zealand blue blowfly

Ingoa Māori: rango pango, ngaro, rako: iroiro

Ingoa Pākehā: New Zealand blue blowfly

Ingoa pūtaiao: Calliphora quadrimaculata (Swederus); pūtoi = Diptera; whānau = Calliphoridae

kitea ai i ngā tōpito katoa o te motu, engari ko ngā maunga teitei me ngā rohe makariri o Te Waipounamu me Rakiura ōna tino kāinga. Kua kitea anō hoki i te Moutere o Campbell me ngā Moutere Auckland;
o ngā ngaro ko Aotearoa anake tō rātou whenua noho, ko ia te mea rahi katoa;
me uaua ka tomo ki rō whare;
he tino mahi nā te uwha te tuku i ana hua ki roto i ngā paraikete me ngā kākahu wūru, ki runga anō i ngā kiko kararehe;
kua kitea hoki ētahi o ana iroiro i ngā hipi kua muia e te mahi a te iroiro, engari he momo iroiro kē anō i tau atu i mua i a rātou, ko rātou ngā tuarua;
tērā ka ora tonu ngā iroiro i ngā maunga, ahakoa te kore kiko pirau hei kai mā rātou - e whakapaetia ana he kai anō nā rātou ngā pūtake rau pirau o te haumata.