Te pītara whaipihi kaitā o Aotearoa

Pare - New Zealand giant stag beetle

Ingoa Pākehā: New Zealand giant stag beetle, Helms' stag beetle

Ingoa pūtaiao: Geodorcus helmsi (Sharp); pūtoi = Coleoptera; whānau = Lucanidae

kei Te Waipounamu, kei Rakiura me ngā moutere tata e nohoia ana e te tītī;
he pītara rahi, he rere kore;
ko ngā kauwae nui whakaharahara te tino tohu o te toa (he toa tēnei e whakaahuatia nei); he pakupaku tonu ngā kauwae o te uwha, kāore e tino kitea atu;
i te awatea, noho ai te pītara nei ki raro i ngā poro rākau, i ngā kōhatu rānei i ngā ngahere haukū;
ka pō ana, kua puta ki te kai i te pia e māturu mai ana i ngā kahiwi rākau;
he rahi tonu ngā torongū, he kahotea te tae; noho ai ngā torongū ki ngā oneone rei, ka kai i ngā tipu pōpopo;
he tino pōturi te haere o ngā mea pakeke, he rere kore anō hoki, ā, ki hea noa iho patua ai e ngā kiore rāwaho.