FNZ 51 - Coccidae males (Insecta: Hemiptera: Coccoidea) - Contributor notes
Hodgson, CJ; Henderson, RC 2004. Coccidae (Insecta: Hemiptera: Coccoidea): adult males, pupae and prepupae of indigenous species. Fauna of New Zealand 51, 228 pages.
(
ISSN 0111-5383 (print),
;
no.
51.
ISBN 0-478-09360-8 (print),
).
Published 22 Jun 2004
ZooBank: http://zoobank.org/References/85A2C19D-CA28-4C43-9B7C-BABE3D5DFCE8
Contributor notes
Contributor Chris Hodgson graduated from King's College, London University, in 1960 and taught in a small public school for two years. In 1962 he emigrated to what was then Rhodesia where he was a Research Officer for the Research and Specialist Services, Ministry of Agriculture, until 1967. It was during this period that he became fascinated by scale insects and published some 16 papers, mainly on soft scales, many of these publications covering the whole of the Ethiopian region. In 1967 he returned to England and lectured in Agricultural Entomology at Wye College, University of London until August 1999. For the first 20 years at Wye, Chris worked mainly on aphids, particularly on apterous dispersal and aphid-plant-virus interactions on which he did his doctoral research. Chris started working on scale insects again in 1990, since when he has published a further 25 or so papers in this field, several of them on New Zealand scale insects, including an earlier volume on female soft scales in the Fauna of New Zealand Series. Chris has written, co-authored or edited 6 books, several book chapters and over 70 papers. In 1998, he organised the VIIIth International Symposium on Scale Insect Studies at Wye. He "retired" in 1999 but is still working hard on scale insects at The National Museum of Wales in Cardiff, where he has been concentrating on the males and scale insect phylogeny.
Contributor Rosa Henderson graduated from the University of Canterbury, New Zealand, in 1965, and was a Research Fellow investigating chromosome abnormalities in leukaemia for 5 years at the Cytogenetics Unit, Christchurch Hospital. After a 15-year break from science bringing up her family, she began an entomological career in 1985, rearing insects for DSIR at Mt Albert Research Centre. From moths and crickets, this progressed to rearing predatory ladybird beetles and mites (both feeding on scale insects) in a biological control project for kiwifruit. When the DSIR was broken up into ten Crown Research Institutes in 1992, Rosa became a science technician for Landcare Research working on scale insects in the N.Z. Arthropod Collection. She is responsible for the curation of the specimens in that part of NZAC. Her interest in the soft scales had its origins with the collection of many undescribed species during the Insect Survey of the East Cape Region, 1992-1994, organised by John Dugdale. John was leader of the Systematics team at that time, and strongly supported the revision of the N.Z. soft scales. In 1995, Rosa gained a Queen Elizabeth II Technicians Study Award and travelled to UK for a short period, to work with Chris Hodgson at Wye College on this revision. Rosa is author or co-author of 24 scientific papers.
I puta ake tētahi o ngā kaituhi, a Chris Hodgson , i Te Kāreti o te Kīngi, Te Whare Wānanga o Rānana, i te tau 1960, ā, ka rua tau e whakaako ana i tētahi kura tūmatanui iti nei. I te tau 1962, ka neke ia ki Rhodesia, ka rima tau e mahi ana hei āpiha Rangahau mā ngā Ratonga Rangahautanga, Tohungatanga Whāiti, i Te Manatū Ahuwhenua. I taua wā ka tipu tana manako nui ki ngā pepeke unahi, me tana tuhi anō i ētahi pepa 16 ko te nuinga e pā ana ki ngā unahi mohe, ā, he maha anō e pā ana ki te rohe whānui o Ethiopia. I te tau 1967 ka hoki ia ki Ingarangi, ka noho hei pūkenga mō te Mātai Pepeke Ahuwhenua i te Kāreti o Wye, Te Whare Wānanga o Rānana, taka mai ki te tau 1999. I ōna tau tuatahi e 20 i reira, ko ngā aphid te aronga matua o tana mahi, tae atu ki te marara parirau-kore me ngā hononga i waenga i ngā aphid, ngā tipu me ngā wheori, koinei hoki te kaupapa o tana mahi rangahau tākutatanga. Ka tahuri mai anō a Chris ki ngā pepeke unahi i te tau 1990, ā, mai i taua wā, e 25 neke atu ngā tuhinga kua puta i a ia mō ngā unahi. Ko ngā pepeke unahi o Aotearoa te aronga o āna tuhinga maha tonu, tae atu ki tētahi atu putanga o Te Aitanga Pepeke o Aotearoa ko ngā unahi mohe uwha te kaupapa. Ko Chris te kaituhi, tētahi rānei o ngā kaituhi, te ētita rānei o ētahi pukapuka e ono, ngā wāhanga pukapuka huhua, me ngā pepa e 70 neke atu. I te tau 1998, nāna i whakarite te Whakarauikatanga Tuawaru o te Ao e pā ana ki ngā Mātaitanga Pepeke Unahi, i tū ki Wye. Ka mutu tana mahi tūturu i te tau 1999, engari kei te whakapau kaha tonu ia ki ngā pepeke unahi i te Whare Taonga ā-Motu o Wēra, i Cardiff. Ko ngā pepeke unahi toa me te whakapapa o ngā pepeke unahi āna tino kaupapa.
Nō te tau 1965 i whiwhi ai a Rosa Henderson i tana tohu mātauranga mai i te Whare Wānanga o Waitaha, i Aotearoa. Ka rima tau ia e tū ana hei Paewai Rangahau i te Wāhanga Tirotiro āhuatanga Tuku Iho o ngā Pūtau, i te Hōhipera o ōtautahi, ko tāna, he tūhura i te wāhi ki ētahi pūira korokē i roto i te mate ruru toto. Tekau mā rima tau ia e whakapau kaha ana ki te whakatipu tamariki, ā, nō te tau 1985 ka hoki mai ki te ao pūtaiao, ka tīmata ki te whāwhā haere i ngā mahi mātai pepeke. Ko tana mahi tuatahi, he āta whakatipu i ētahi o ngā aitanga a punga mā te DSIR, i te Pokapū Rangahau o Mt Albert. He pūrēhua, he pihareinga ngā mea tuatahi ka whakatipuria, ka whai mai ko ētahi ngoikura me ētahi atu pūwereriki, e rua, e rua, kai ai i te pepeke unahi. Ko tēnei mahi whakamutunga, he kaupapa i whakatūria hei patu ā-koiora i ngā pepeke whakararu i te huakiwi. Nō te wāwāhanga o te DSIR i te tau 1992 kia 10 ngā Pūtahi Rangahau Karauna, ka noho a Rosa hei kaihangarau pūtaiao mā Manaaki Whenua. Ko tana kaupapa whāiti, ko te mātai i ngā pepeke unahi kei te Kohinga Angawaho o Aotearoa. Ko ia hoki kei te whakahaere i ngā mahi tiaki i tērā wāhanga o te Kohinga. Ko tana ngākaunui ki ngā unahi mohe, i takea mai i te kohikohinga o ētahi momo maha tonu kāore anō kia āta whakaahuatia, i te Tirohanga Ngārara ki te Te Tairāwhiti, 1992-94, i whakahaeretia i raro i te maru o John Dugdale. Ko John te kaihautū o te kāhui Pūnaha Whakarōpū i tērā wā, ā, nāna i akiaki kia āta tirohia anō ngā whakapapa o ngā unahi mohe o Aotearoa. I te tau 1995, ka whakawhiwhia a Rosa ki tētahi Tohu Queen Elizabeth II mā te Kaihangarau, i āhei ai ia ki te haere ki Ingarangi mō tētahi wā, ki te mahi tahi ki a Chris Hodgson, i te Kāreti o Wye. Nā konei i tutuki ai tēnei titiro tuarua ki ngā unahi mohe nei. E 24 ngā tuhinga pūtaiao ko Rosa te kaituhi, tētāhi rānei o ngā kaituhi.