• Tweet this page
• Like this page
• Email this page
• Share this page

• Home»
• Our Science »
• Plants, animals & fungi »
• Animals »
• Birds »
• Building trustworthy biodiversity indicators »
• In pictures »
• Ngā Kōrero O Te Tūī

Ngā Kōrero O Te Tūī

E mōhio ana koe ko te ingoa tuku iho ā te Māori mō te tūī ko kōkō? E mau tonu ana ētahi iwi tipu ake i roto i te reo i tēnei ingoa. Tēnā koa kia wherawhera tātou i te huanga, i te hiranga ō ētahi o ngā momo ingoa Māori, ingoa Pākehā mō tēnei manu.

Kōkō – he takoha ki ā Tāne

He tūhonotanga anō tō te kōkō ki ā Rehua. I te kōrero ā Rangi Matamua (Tūhoe), i piki atu a Tāne ki ngā rangi ki te kimi i te mātauranga.

I mua o te hokinga mai ō Tāne ki ā Papatūānuku ka takohahia atu e te tipua rā e Rehua he kōkō māna, me ētahi atu hei noho i runga i ā Papatūānuku. Ko te kōkō, te tātarakihi, te kēkerewai, te hakuwai me te pihareinga ngā kohinga e mōhiotia ana ko ‘Ngā Manu ā Rehua’. Ko te kohinga ika, te korokoro, te moki, te kohikohi, te kaiherehere, te maomao me te inanga i kīa ko ‘Ngā Pōtiki ā Rehua’.

He kāhui whetū ‘Ngā Manu ā Rehua’ me ‘Ngā Potiki ā Rehua’ pātata ki ā Rehua, ā, kei raro iho i te tātai whetū o ‘Te Waka ō Mairerangi’.

I rākaitia e Rehua ā kōkō ki te whetū i runga i tōna kakī hei tuku reo, ā, kia maumaharatia tonutia ai tōna ōrokohanga mai.

Kōkō (tūī rānei) – he manu maha ōna ingoa

Nā te mea he manu tītakataka, ātaahua hoki te tūī (Prosthemadera novaeseelandiae i roto i te reo Ratina) nā wai anō i maha ai ōna ingoa Māori, ingoa Pākehā. Ahakoa te nuinga o ngā ingoa o te tūī e whakaāta ana i ōna whanonga i tōna āhua, ko ōna ingoa Māori ka rerekē, e ai ki te wāhanga o te tau, te wāhi e kitea ana, ā, mēnā hoki he tāne he uwha rānei.  Anei e whai ake nei ētahi tauira o ngā whakarerekētanga o te ingoa o tūī i ngā huringa o te wā.

Ngā ingoa Māori

E mōhio ana koe ko kōkō te ingoa o neherā mō te tūī? Akohia ngā kōrero mō ētahi ō ngā ingoa Māori 13 kua mau mō tēnei momo manu.

Ngā ingoa koroniara

Mai i te hokinga tuarua mai ō Kāpene Kuki ki Aotearoa i te tau 1772, he maha ngā ingoa ā te Pākehā mō te tūī. Akohia ngā kōrero mō te whakarerekētanga o te ingoa o tēnei momo manu mai ka tae mai te Pākehā ki Aotearoa.